2008歐洲之行 6/6/2008-24/6/2008

要快d記底我地既旅行遊記, 因為我驚會唔記得呀!!!

10級開心10級好玩10級難忘.......

同我鍾意既人去左我一路都好恨去既好多地方係令我最開心既

大家一齊分享所有野

19日好快就過..去之前都好驚ga,因為咩都唔識又怕死, 不過去完返黎就覺得好safe同唔夠

(haha..人係貪心既)

day 1 我地london time 6am就落機, 去到b&b放底野之後去左附近既大英博物館

我地係個到留左4-5個hr...不過大部份時係都坐係到休息同sleep!!!crazy..因為jetlet...checkin之後就係咁訓...訓到第2日!!

我地係london stay左4日

其中一日join左local tour去 winsdor castle, bath同stonehenge

第一個重點就係stonehenge, 我恨去左好耐既地方,

佢係世界上其中一個不能解釋點樣出現既景象

去到個一刻...我...hahah....."車"左一聲, 因為之前d人話可以入去行,不過而家已經圍住左, 只可以係外面行個圈, 可能因為咁, 睇上唔係咁"巨"!!!

但係我已經好感動, 因為好amazing,好神秘同好靚!!!

london之後我地既下一站就係italy, 不過意外發生左!!我地係坐ryanair去rome先, 不過我地late左2 mins(條8婆堅稱), 所以我地checkin唔到, 仲比佢屈左我100GBP坐下一班!!!當時既我地只好就範(我當然唔會就咁罷休, 我已send左同寄左幾千字既complain信去!!!)因此, 我地late左4hr先到rome, 去到已經係18:00!!好彩佢地成22:00先天黑, 我地仲可以去到大部份既景點!!!

rome係一個現代同 history mix up既地方,我好鍾意, 可能因為我讀history, 睇野既時候會多左一d background, 感受會多d!!!

但其實去既景點都係個d, 去唔得好多地方!!而令我最興奮地係梵諦岡, 係第2個重點, 因為我地去既時候咁岩係星期三, 教宗會出黎領禱 (都係我地問d人點解咁多人先知), 佢坐住個架車出黎say hi, 而我地咁岩又係呢個時候入左去, 又咁岩企左係一個唔錯既位, 所以好好彩咁同教宗揮手, 不過我諗佢focus唔到我地!!

梵諦岡既博物館好大好靚好宏偉!!!見到一d famous既畫, 可惜好多地方都no photo!!

之後我地仲決定用8eur 行好似500幾級上去個頂!!係超級值得!!!去到church既頂部, 我係下面望上去時候仲問呀容, 唔知d人點起既呢, 咁高, d畫仲要咁靚, 之後佢就話, 吊d人上去gwa!!!笑死

但原來係有路上去ga, 望上去好似係畫既畫, 其實係用唔同colour既石砌上去ga!!

之後我地再上, 上到個頂頂, 一望出去就係piazza san pietro!!好靚好靚!!!!!

係梵諦岡我地豪左一餐, 食左個好simple既意大利菜!!!

Rome之後就係Florence, 我本身對呢個地方好有幻想, 首先個名好靚好浪漫, 另外一路都好想去uffizi睇畫, 但係到步既一刻, 好大雨, d人唔理你, 問點樣搭車冇人理.....間B&B唔係咁好, Uiffiz又close左同要reserve!!所以第一日真係好down!!

不過stay落, 發現florence幾易玩, d地方好易去, 周圍都好靚, 冇rome咁dirty!!!而間b&b, haha...係dirty d, 不過我諗係因為d人causal!!我地係個到識左好多人, 冇travel alone既 korean , come from "the state" 既男仔, 等畢業既hk人, 而個young man "staff" 超funny, 我地一齊睇ball, 食paste, 仲玩facebook tim, 個staff 係咁學講中文, 佢覺得chi-glish 呢個term好得意....blabla...好夜先訓!!

咁樣先覺得似去歐洲玩!!!!

第2日天氣好返好多, 我地去左pisa, 不過去既時候又有黑仔事發生, 又比人老屈!!!

講返pisa, 我地行左30mins就到著名既比薩斜塔!!都係影張相同行個圈, 不過個個都係擺個個post, 好好笑!!!

Florence之後去Venice, 不過venice就只係stay左一日, 仲要之前個日先book地方訓, 都幾驚!!venice 好靚, 好有味道, 成個city由400幾條橋連接住!!不過對於我地要拖住個luggage行既人就辛苦d, 坐water taxi又好貴, 上上落落d橋又勁高難度!!haha...settle down完行左一日!!周圍影下相同shopping, d野好靚呀!!買左好多野!!

我覺得2日1夜都夠既, 不過可以多一日去多個島睇下就好啦!!!

Venice之後就去Milano 轉車去Switzerland 既 Interlaken
轉車有4個hr, 我地就去左milano 既大教堂行一轉同shopping!!!

坐左4個hr火車,夜晚8點先到interlaken, 好彩間b&b好近個station!!

首先介紹下interlaken先, 顧名思義, interlaken係指2個湖之間既一個town!!

佢亦係都上少女峰其中一個check point!!!好多人都係stay係個到一晚第2日再上山!!個到d電視台每日都會live咁播瑞士每個雪山既情況, 等d人知道適唔適合上山!!

但係我地"好好彩", 2日天氣都好唔好, 連個staff都話唔好waste $$上去, 於是我地就改左2日行程

第一日係interlaken同佢附近既一個town lauterburn到行下山, 仲去左一個好出名既waterfall (trummelbachfall), 佢係europe唯一一個可以 入去參觀既waterfall, 由3大雪山, 少女峰, 和尚峰同eiger 既雪溶出黎既水而成既!! 入到去好cold, d水好勁好澎湖!!!不過d相唔靚, 因為好黑!!!

我地就係咁行左一日山, 好relax!!可惜都係天氣唔好!!

等到第2日, 起身睇live, 都係好唔好, 所以決定day trip 去Bern, 瑞土既首都!!其實Bern係一個好簡單好細既一個地方!!所有野都好集中,感覺好tidy!!

我地去個日岩岩就係euro08 holland vs 羅馬尼亞, d人都唔知係米因為咁而唔駛返工, 好多好多人, 個個都著住full gear既橙色!!!我形容個日係organe day!!!真係好organe, 仲有好大既 fun fair!!個個未天黑就high晒!!好好feel!!我地係Bern亦都係咁shopping, 買左好多chocolate同 cheap cheap h&m!!!

第3日, 係我地既last chance上山, 因為paris既 train同hotel就book好晒!!

終於都好天啦, 不過d雲底左d, 如果唔係可以見到france!!!

少女峰係第3個重點, 同$1000上去勁值得ga!!去Interlaken 唔去 Geneva 係因為 少女峰, 如果上唔到山我會好唔開心!!
少女峰比聯合國列為世界自然遺產之一, 同中國既黃山一樣, 佢地仲係友誼山!!好攪笑!!

而少女峰亦都被譽為top of europe!!

點解我咁想去?係因為我幾年前係書局hea既時候, 睇到一本講人生必去既地方....其中一個係少女峰, d相真係好靚好靚好amazing!!自此, 我同自己講一定要去!!so 我plan左點都要去瑞土!!

去到, 我覺得我見我feel既比我係本書到睇既靚10倍, 不過又冇個種好high好touching既感覺!!

只係覺得......um...好似係天堂!!原來呢個世界係有d咁既地方, 係咁高而又可以比人上去玩!!!一望無際既雪地同雲海, 好似棉花糖既雪!!!真係好似係天堂!!終於去左....wawaekkekekeke

但係落左山就出事, sunshine得太緊要, 我地係即時變黑!!

抖一日就去Geneva轉車去Paris, 都係3個hr, only去到日內瓦湖!!好tried!!

Paris

唔係幾喜歡, 因為d人好似唔係好鍾意華人, 又係10問9唔應!!d景點又係排勁耐但係睇得一陣!!最興奮係去左louvre宮同versailles, 見到好多瑪麗皇后既野, 床呀相呀畫...好靚好luxury!!仲見到好多法國history既野!!

不過一路都覺得會好靚好浪漫既tower eiffel, 就唔係咁鍾意, 我地夜晚去, 係好靚ga, 不過d人又係亂黎!!我地排左幾個hr 買飛同搭lift, 上到去, 我地上最高個層仲死, 等得仲耐!!之後上到去就勁多人, 咩都睇唔到, 好似要霸位咁, 一d都唔浪漫!!

反而第2日我地行塞納河仲靚仲浪漫!!!ahhaha

係paris 既最後一晚, 係我地一齊既55th, 所以好豪咁買左支紅酒同blue cheese食!!

走個刻又冇話好唔想走好唔捨得, 反而有d想快d返屋企!!覺得all about right, 玩晒去晒想去既地方!!

其實仲有好多好多野好難忘好開心, 不過19日入面發生太多野, experience既太多!!唔可能全部都用文字去記底!!

你問我有冇d咩係冇做遺憾ga!!其實有ga, 去唔到uffizi啦, 食唔到florence既牛啦, 影夠相啦.....

但係我諗咁係比多個機會我去多次!!而家返黎睇返d相, 好想又放假去旅行!!!

我要多謝天靖take care左我咁多日, 真係佢take care我多過我照顧佢, 好多時我都係路白, 唔識睇地圖, 好彩佢好冷靜咁帶住我周圍去同趕車!!係太細心既..hahaha如果唔係佢成日都提我要點點點, 我諗我一定會keep住好炆!!!

我仲好記得我地一開始真係好慳, 又唔係幾食野, 但係去到瑞土真係好cold, 我地都好肚餓,佢就話唔好慳喇, 有咩事去禁$, 仲同我講個a/c有幾多$..唔駛驚(超攪笑), 最緊要平平安安咁返hk, 最多返到去先搵返....個一刻佢真係好man!!feel到佢真係可以照顧我!!最後,我地係咁禁$, 佢又係咁叫我買野, 但當然我冇啦!!勁好

點都好, 我真係要多謝你, 多謝你陪我去左一個咁難忘既旅行, 多謝你同我分享一切分享只有你同我既記憶!!!

我地影左2000幾張相, 太多了, 我已經select左靚個d放左去facebook, 有時間去睇睇啦!!!